I believe…
(Source: shetakesflight)
(via awesome-pictures)
bda7akny awi!:”D
(Source: sarahmossallam, via art12)
[video]
:)
(Source: mahmoud91)
إحنا اللي حابسين نفسنا ماحدش حابسنا .. ! #حقيقة_علمية
#NoteToSelf #Self_Traps !
(via fatma-khaled)
(Source: azzayzafona)
(via tuqanosair)
(Source: groundedonthedaily, via inter-vivos)
[video]
” و من الشباك لأرميلك حالي ..
و من الشباك لأرميلك حالي .. “
اخر مرة شفت نور الشارع كنت بسمعها .. بتفكرني بتمشية الصبح بدري في الشمس
أنا نفسي أنزل .. أمشي اتحرك زي زمان ..
كان طول عمري نفسي بس في شوية وقت أقعد اتفرج على الشجر الشوارع الناس و وشوشهم… فرحانين و لا زعلانين ؟
دلوقتي تعبت من الفرجة .. أنا دايما باشوفهم كل يوم ماورييش حاجة غيرهم .. ببقى نفسي أنزل أسألهم
انتم فرحانين ؟ مبسوطين ؟ طيب راضيين بعيشتكم ؟
أُمّال ليه مش بتضحكوا ؟!
ابتسموا طيب .. أرجوكم
أنا تعبت من كتر الفرجة على الوشوش الحزينة المهمومة…
“آه يا حلو يا شاغل بالي”
تذكرت حبي للشبابيك و الصناديق على السواء .. أستغربت قليلا ففي الشبابيك براح و في الصناديق انغلاق.. و لكني أفهم لماذا أحب الصناديق . أستطيع أن أحتفظ فيها بكل الذكريات .. فهي براح الذكريات .
سألته ” أنت شايف اننا المفروض نخلي كل الصناديق دي معانا باللي فيها ؟”
تردد في الإجابة ..
“أنا كنت بخليهم .. بس دلوقتي بقيت بشوف الحاجات دي كراكيب .”
كراكيب !!! أنا كمان بحب الكراكيب !
الشبابيك و الصناديق و الكراكيب ..
سرحت في شقة المنيل .. من يوم ماعزلنا و أنا بحب أرجع ليها .. و أقلب في الكراكيب „
كل مرة .. كل مرة بكتشف حاجة جديدة !
بكتشف حاجة جديدة في الشقة اللي عشت فيها 16 سنة J
إحنا جوانا شبابيك و صناديق و كراكيب
ادخل على بابا الأوضة بليل الاقيه بيتفرج على lion king
تلمع عيناي
” إيه ده ؟”
يضحك ويقولي ” بحبه قوي “ .. يسألني “عندك الكرتون بتاع الوحوش و البعبع ده ؟”
“monsters inc. أكيد “
“طيب عندك بتاع الباندا ؟”
اقف اضحك ” ثانية واحدة أجيبهولك “
من 9 شهور و نص اكتشفت إن ابويا بيحب الكرتون ! لأ و متابع كمان !
أعترف إني إنبهرت !!
دايما بنبهر بالحاجات البسيطة .. يبهرني النور و الكون و الإنسان و الألوان ..بيبهرني اننا نتأمل جوانا
و كل شوية نطلع حاجة جديدة من الكراكيب .. الجرايد القديمة اللي جدتي عمرها مافهمت لهم معنا ..ورق الشيكولاتة و الصندوق اللي مليان جوابات وأشعار الطفولة
تأملت جملتك تاني “ الحاجات دي كراكيب “..
أعلم إنك تفضل المشاعر و الذكريات و عندك قدرة في الحفاظ على معاني غير ملموسة .. و قد تظن إنك غير محتاج للبقاء على شيء ملمس يذكرك .. أو يمكن أنت دلوقتي مش في أحسن حالاتك و قد تتغير رؤيتك
إمبارح سألني .. “أنت فعلا عايزة تعملي البيت كده ؟”
و بدأ يحكيلي إزاي هو كان نفسه في بت زي ده ..
كل فترة بنكتشف حاجة جوانا من الكراكيب .
احنا إزاي عبارة عن كراكيب كده .. أو أنا عن نفسي !:$
افتكرت إني لما أرجع النهاردة لازم أسألك و افهم منك
“أنت بتحب الكراكيب و لا لأ ؟!”
كان يرى كل شيء بالأرقام.. فلوس .. أرقام تليفونات .. نمر عربيات .. أي حاجة و كل حاجة بيشوفها أرقام. عنده قدرة غريبة على الحساب . قدرة على جمع أو طرح أي رقم تقع عينه عليها.. 141 , 73 , 2615 „„„,
تصرخ غاضبة ”ايهههههههه “!!
هي عكسه تماما تكره الأرقام. ترى الحياة بالألوان أو المساحات.. الجمل أو تعبيرات الوشوش .
قررت أن تنتقم منهم جميعا .. و من الأرقام !
أصل يعني إيه يعني واحدة تقعد تعيط عشان بقيت 73 كيلو بدل .69و لا يعني إيه أعيط عشان جبت 8 من 10 في إمتحان . نفسي أفوقهم كلهم و أقولهم ده رقم مجرد رقم .. انبسطوا
تاني يوم الصبح بدري .. تخلصت من كل ساعات البيت و بدلتها بعقارب بتشاور على لحظات اليوم المفضلة بالنسبة لي .. زي ميعاد النسكافيه الصبح .. ميعاد الخروج .. الفيلم المفضل أو ميعاد النوم .
جبت الفلوس و لونتها من هنا و رايح مش عايزة أسمع ارقام اللي عايز مني فلو يقولي حتي أزرق أو.. ازرق و أحمر ..
مسكت كل موبيلات البيت ومسحت الأرقام اللي عليها .. و سبتها زراير فاضية .. أيوه لما احب أدي حد نمرة تليفوني هعرف .. 140 دليل هتبقى “ أقصى
اليمين فوق .. تاني صف أقصى اليمين .. في الاخر في النص ”
متعبة ؟؟ بكره تتعودو
بتحولو تقنعوني انكم عملتوا الرقم عشان تسهلو الحياة؟
طيب أنا مش مقتنعة إن حياتكم بقيت أسهل على فكرة .. و أنا مبسوطة كده
عزمتهم كلهم في بيتي و عزمته .. قلت لهم ييجوا لما الشمس تبتدي تغرب و إسم الشارع و البيت العمارة اللي فوق الصيدلية ..
قلتلهم دي حفلة شاي .. كان نفسي أشوف وشه في مكان مافيهوش أرقام .
آه أنا غيرت رقم الدور في الأسانسير بإسمي
كان نفسي و هما مشغولين في الشاي اخد موبايلتهم و فلوسهم .. أمسح الأرقام و ألون الفلوس ..
بس خفت !
(Source: inspiring-pictures, via everything-inspiring)